ACONSELLAMENTO

ASELAGA é unha entidade inscrita no Rexistro de entidades con servizos de aconsellamento ou xestión de Galicia (RESAXEGA).

ASELAGA presta servizo de aconsellamento ás explotacións que se acollan ás axudas de agroambiente e clima do Programa de Desenvolvemento Rural (PDR) de Galicia para o período 2015-2020.

As explotacións de vacún de leite poden solicitar a axuda de extensificación de vacún de leite cuxas condicións son:

Beneficiarios:

• Agricultores (persoas físicas ou xurídicas) titulares dunha explotación inscrita no correspondente rexistro (REGA)
• Que reúnan a condición de “agricultor activo”
• Que se comprometan voluntariamente durante 5 anos.

Condicións de elixibilidade:

• Recibir un servizo de aconsellamento específico dunha entidade de aconsellamento autorizada (inscrita no RESAXEGA)
• Non aplicar lodos de depuradora na integridade da superficie da explotación.

Compromisos:

• Dispoñer dun mínimo de 10 Ha de superficie indemnizable (a superficie forraxeira situada no concello da explotación ou limítrofes de Galicia e que sexa obxecto destes compromisos, non computando as superficies de pastos arbustivos (PR) ou arborados (PA), as superficies de uso en común nin as superficies de interese ecolóxico.
• Manter unha carga gandeira maior de 0,7 UGM/ Ha e menor de 2 UGM/ Ha.
• Manter a superficie comprometida durante os anos que dure o compromiso. Porén, o número de hectáreas poderá reducirse como máximo nun 10% da superficie suxeita ao mesmo ao inicio do compromiso, sempre e cando non se vexa comprometida o logro do mesmo.
• Os compromisos contraeranse por un período de 5 anos e aplicaranse a nivel de superficie non sobre parcelas fixas e durante este período non será posible ampliar a superficie indemnizable inicialmente comprometida.
• Non implantar cultivos nas superficies con pendentes > 10%, agás cando se trate de establecer pasteiros ou rexenerar pasto.
• As UGM que corresponden ós animais de > 12 meses de vacún de leite serán polo menos o 70% do total das UGM da explotación.
• Superficie de millo e outros cultivos forraxeiros distintos de prados menores de 5 anos será ≤ 25% da superficie forraxeira da explotación, excluíndo os Pastos arbustivos (PR) e os pastos con arboredo (PA).
• O pastoreo ocupará > 50% da superficie de prados (temporais e permanentes).
• Manter actualizado un caderno de explotación co rexistro das actuacións de pastoreo. (Ver modelo) Descargar o arquivo para que non se perda o enlace)
• Presentar unha solicitude anual de pago dentro da Solicitude Única.

Axuda: 170 €/Ha de superficie indemnizable