ASELAGA

A Asociación Sectorial Láctea e Agrícola Galega (ASELAGA) é unha asociación de gandeiros de vacún de leite de ámbito autonómico constituída hai case vinte anos.

Obxectivos

Promover iniciativas dirixidas a mellorar a produción, transformación e comercialización no sector lácteo.

Informar, asesorar e levar a cabo iniciativas relacionadas coa xestión e solución da problemática derivada da aplicación de cantidades de referencia individual na produción láctea.

Prestar servizos de xestión empresarial ás explotacións asociadas, co fin de contribuír de forma individualizada á xestión técnica, económica, financeira e administrativa das mesmas.

Prestar servizos de aconsellamento, xestión e substitución ás explotacións agrarias.

Realizar accións formativas e informativas dirixidas aos titulares das explotacións de leite, para incrementar a súa cualificación profesional.